Heim á ódýrari bækur
Bókalisti HA
Tilkynning frá Eymundsson
Háskólar á Íslandi
Háskóli Íslands
Háskólinn í Reykjavík
Háskólinn á Bifröst
Háskólinn á Akureyri
Háskólinn á Hólum
Kennaraháskóli Íslands
Landbúnaðarháskóli Íslands
Listaháskóli Íslands
Tilkynning frá starfsfólki Eymundsson vegna námsbóka fyrir vormisseri
Góðan dag
Vegna þeirrar þróunar sem hefur orðið á Íslandi að undanförnu finnst okkur nauðsynlegt að gera grein fyrir þeim aðstæðum sem við erum að horfa fram á, svo hægt sé að bregðast við þeim og undirbúa sig fyrir þær. Það ástand sem hefur myndast er búið að lama innflutning að verulegu leyti og er innflutningur á háskólabókum þar ekki undanskilinn.
Eins og málin horfa við okkur í dag þá er ekki víst að við fáum allar þær bækur sem hafa verið pantaðar. Það er búið að senda allar pantanir út og eru þær nú í biðstöðu. Búið er að gera upp alla útistandandi reikninga við erlenda birgja og því er ekkert meira hægt að gera en bíða og vona það besta. Það er þó orðið ljóst að þær bækur sem við komum til með að fá verða seint á ferðinni miðað við það sem verið hefur og eiga fæstar eftir að vera komnar í byrjun næsta árs. Þó er rétt að árétta að þetta gildir eingöngu um bækur sem koma erlendis frá, ekki íslenska útgáfu.
Annað mál sem tengist þessu er verð bókanna. Eins og allar innfluttar vörur eiga bækurnar eftir að hækka mikið. Við reiknum með að hækkunin nemi að lágmarki 30-40%. Það er mikil hækkun á vörum sem ekki voru ódýrar fyrir. Það er því við því að búast að bóksala eigi eftir að dragast saman. Þó mætti gjarnan horfa til þess að við eigum stóran lager og oft hittist svo á að við eigum eldri útgáfur af einhverjum titlum.
Svona lítur þetta út frá okkar bæjardyrum og það er öruggt að fullyrða að upphaf næstu annar verður í hæsta máta undarlegt. En þangað til að við vitum meira getum við lítið annað gert en að vona það besta. Við vitum að það er erfið aðstaða fyrir kennara að nemendur séu ekki komnir með námsefnið þegar kennsla hefst, en í ljósi þessara óvenjulegu aðstæðna vonumst við til þess að hægt verði að sýna því skilning og þolinmæði.
Við látum svo skrifustofustjórana vita um leið og einhver tíðindi berast.
Kveðjur
Starfsfólk Eymundsson
